“Eurovision-2009”mahnı müsabiqəsində azərbaycanlı təmsilçilərin ifa edəcəkləri mahnının klipi təqdim edilib.Sənətçilərin bəziləri hələ də klipə tamaşa etməyib, bəziləri isə ümumiyyətlə müsabiqəni və mahnını bəyənmir.
Sevda Ələkbərzadəklipə tamaşa etmədiyini, lakin mahnını normal qarşıladığını deyib: “Mahnı sırf pop musiqisidir. Əlbəttə, bizimkilər çox çalışırlar ki ora getsinər, bizim xalq mahnılarını orada göstərə bilsinlər və s. Amma bu müsabiqə elədir ki, öz standartları var. Bu standartlara uyğun olaraq insanlar mahnıları seçir. Mənim fikrimcə çox normaldır. Pop musiqisidir. Amma mahnıdakı tar səsi haradasa milli üslubu da vurğulayır”. Bəstəkar və müğənniElza Seyidcahanın fikrincə mahnını özü və ya azərbaycanda yaşayan digər bəstəkarlar hazırlasaydı, daha uğurlu nəticə alınardı: “Elə də münasibətim yoxdur. Nə münasibət olmalıdır ki?! Onların heç birinin bizə aidiyyəti yoxdur. Azərbaycanın bəstəkarları isə hələ ölməyiblər. Araşaxı Azərbaycan bəstəkarı deyil. Mən bu ilki seçimdən çox narazıyam. Ola bilsin ki, Araş dünyada populyardır və bu da bizə bir az xeyir versin.Ayseli də tanımıram. Nə olsun ki, müsabiqədən çıxıb. Sayılıb seçilən sənətkarlarımız var. Bircə onu deyə bilərəm ki, ötən ilki mahnımız bundan güclü idi. Mahnını klipinə hələ baxmamışam. Amma onu deyə bilərəm ki, mahnını bəyənməmişəm. İnsanların çoxu da narazıdır. İki ildir mən müsabiqəyə mahnımı təqdim etmək istəyirəm. Qısa vaxt qalmış elan edirlər ki, mahnı gətirin. Amma başqa vaxt lazım olanda tez axtarıb tapırlar. Ola bilər ki, biz orada yer tutmayaq, bu siyasi müsabiqədir, normaldır. Amma bütün dünya Azərbaycan musiqisindən danışmağa davam edəcək. Mahnının adı da xoşuma gəlmir. Reklamlarda bu mahnının adı şirkətlərdən birinin brendidir. Olmazdı ki, mahnının adı başqa ad olaydı?” Röya Ayxan:“TRTkimi ciddi kanal bütün günü “Eurovision” mahnısını nümayiş etdirir. Bizdə isə bu mahnını gərək internetdə axtarış edib baxasan. Nə sənətçilər, nə də mahnı geniş kütləyə təqdim olundu. İndi də qəfildən klip çəkdilər. Mən baxmamışam, açığı. Mahnı isə normaldır”. Xalq artisti Nazpəri Dostəliyevada klipi görmədiyini, lakin nəticə necə olursa-olsun Azərbaycan təmsilçilərinə uğurlar arzuladığını bildirdi.
